මගේ ලැප් එක

පහුගිය ලිපිය මගේ පොඩි එකීගේ ඉස්කෝලේ ගමන ගැන ලියුවනේ. සුබ පතපු හැමෝටම ස්තුතියි.
…අතේ ගෙනයන පරිඝනකයට නෝට්බුක් නැත්නම් ලැප්ටොප් කියලනේ කියන්නෙ. තවත් කොට කරලා ලේසියට කියන්නේ ලැප් එක කියලා. මේ කතාව ලියන්න හිතුනේ ඊයේ … සිදුවුන සිදුවීමක් නිසා.

…
…ඊයෙ හවස වැඩ අහවර වෙලා ගෙදර ගියේ "වැටුනා නින්දගියා" කියන න්‍යායෙ හැටියට. ඒතරමට ඇඟට මහන්සියි . කෝච්චියෙත් ගියෙ හතර පැත්තෙන් වැටෙනවට දක්වපු සහයෝගයෙන් කිසිම ආධාරකයක් නොඅල්ලා. ඒතරමට සෙනග.

ස්ටෙසමෙන් බැහැලා යතුරු පැදියෙන් ගෙදරට ගියෙ ඇඟපත හෝදගෙන හාන්සි වෙන්න හිතාගෙන.කාමරයට ගොඩවුන ගමන්ම ලැප නැත්නම් මගෙ කොම්පියුටරය ඇඳෙ කෙලවරකින් තිබ්බා (ලේසියට තියන්න එතන).

…
ගෙදර ආපු හැටියෙ ලැබුන තේ කොප්පය ඇඳ මත හිඳගෙනම බිව්වා. ඔන්න එතකොටම අර මගේ දඟ මල්ල නැත්නම් පොඩි එකී දුවගෙන ආවා

"අනේ තාත්තෙ ලැප් එක පොඩ්ඩක් දෙන්නකො මට නිදාගන්න "
…
…මම ඇඳ කෙලවරක තියන මගෙ ලැප්ටොප් එක දෙස බලාගෙන

"අනේ දුවේ දැන් ඒක ගන්න බෑ "

මෙ කෙල්ල රෑට Angry Birds සෙල්ලම කරන ගමන් හැමදාම නිදාගන්නව. ඒත් අද මට සෑහෙන්න මහන්සිය්.
…
…ටික වෙලාවකින් මට ඇහෙනවා කුස්සිය පැත්තෙන් කං කෙඳිරියක්.

 "බලන්න අම්මෙ තාත්තා එනකන් හිටියෙ එයාගෙ ඔඩක්කුවෙ නිදාගන්න "
මට පොලව පාලාගෙන යන්න හිතුනා.
 ඒවෙලෙම ගිහින් චූටි කෙල්ලව අරන් නින්දයනකම් ඔලුව අතගෑවා .