කොලෝනියල් කසින්ස්

මම මෙ මඩක් ගහනවා හෙම නෙවෙයි. අපෙ කන්තොරුවෙ යාලුවෙක් කියපු කතන්දරයක්. අපෙ කන්තොරුවෙ උන්නට ජීවිතෙට "අත්තම්මගෙ පෙට්ටගමට" ගොඩ නොවෙන හින්දා බය නැතිව මෙ කතාව දාන්න පුලුවන් අහන්නෙ බලන්නෙ නැතිවම. මගෙ හිතෙ හැටියටම ලියලා.
    
ඔන්න මේ කතාවෙ කතානායකයට සිරිල් කියමු . නැත්නම් හැමතිස්සෙම එයා මෙයා කියකිය ඉන්න එපැයි. ඔය එයා මෙයා නොහොත් සිරිල් හැම සති අන්තයෙම ගමෙ යනවා. ගමේ යනවා කියුවට ගමේ කාවවත් බලන්නවත් මුනගැහෙන්නවත් නෙමේ. සිරිල්ට ඉන්නවා මරු යාලුවො සෙට් එකක් , සිරිල් එනකන් මගබලා ඉන්න. උදෙ,දිවා,රැයෙ, කරටි කැඩෙන්න බොතල් හිස් කරන්න පුලුවන් සෙට් එකක්. සති අන්තයම එන්ජෝයි කරලා සඳුදා සමහරවිට වැඩට එන්න එන්න ලැබෙන්නෙත් නෑ.



… …
      ඉතින් මේ පහුගිය සති අන්තයෙත් සිරිල් ගමෙ ගිහින්. අනේ කරුමෙට පහුගිය සතියෙ යාලුවො සෙට් එක ගමෙ ඉඳලා නෑ. සිරිල්ටත් නිකන් ඇගට හරිමදි වගෙ. ඒපාර සිරිල් ගිහින් එයාගෙ මාමා කෙනෙකුගෙ ගෙදර. මාමගෙ පුතා සිරිල්ගෙ හොඳ ගජයා පොඩිකාලෙ හිටන්ම. අර සෙට් එකෙම සාමාජිකයෙක්.

දෙන්නා පොඩිකාලෙ (පොඩි කියුවට පොඩිම නෙමෙයි නමයෙ දහයෙ පන්තිවල ඉන්නකොට ) ඉස්කොලෙ ඇරෙන්න විනාඩි දහයකට කලින් දෙන්නම පන්තියෙන් පනිනවලු. ඉස්කොලෙ ඇරිලා සුදු පරවි රෑනසේ පියාසලන්නෙ නැතිව ලී දඬු පාලම උඩින් ගෑනු ළමයින් ටික පොත් පත් තුරුලු කරන් පාසැල නිමවී යනකොට සිරිලුයි මාමාගෙ පුතයි දෙන්නා මාමාගෙ ඔරුවත් අරගෙන ලී දඬු පාලම යට උඩ බලාගෙන මාලු අල්ලනවලු. මොකද ලී දඬු පාලමේ ලී දඬු අතරින් පතර අඩුයිලු.


ඒක අතුරු කතාවක්. මෙ මාමට දුවෙකුත් ඉන්නවලු. විවාහවෙලා ළමයි හෙම ඉන්න. පදිංච් මාමගෙම ගෙදර. සිරිල්ට නෑකමට වෙන්නෙ නෑනා. ඔන්න සිරිල් මාමාගෙ ගෙදර ඇවිත් ඉස්සරහ පුටුවෙ වාඩිවුනු ගමන්ම අර ගෙදර ඉන්න දුවගෙ පොඩි පුතා සිරිල් ගෙ ළඟට දුවගෙන ඔඩක්කුවට පැනලා වාඩි වෙලා එක එක ප්‍රශ්න අහනවලු.
"මාමේ කොලෝනියල් කසින්ස් කියන්නෙ කාටද " සිරිල්ට මාර ප්‍රශ්නෙ සිරිල් දන්නවයි ඕවා. දැන් පොර කල්පනා කරලා බන්ඩක්කා උත්තරයක් දෙන්නත් එපැයි.
 
සිරිල් :"දැන් පුතෙ ඔය කසින් කියන්නෙ මස්සිනාට "
පුතා :"එතකොට මාමෙ කොලෝනියල් ?"
සිරිල් :"කොලෝනියල් ... කොලෝනියල් නේද ... "
මිනිහට එකපාරටම මතක් උනා කොටුවෙ කොලෝනියල් එක එතනත් මිනිහා බොන්න සෙට් වෙන තැනක්
සිරිල් :"කොලෝනියල් කියන්නෙ බොන මිනිස්සු ඉන්න තැනක් "
පුතා :"ඒ කියන්නෙ බේබද්දො ? කොලෝනියල් කසින්ස් කියන්නෙ බේබදු මස්සිනාට ?"  

ඔන්න ඔහොමලු කොලෝනියල් කසින්ස් කියන්නෙ කවුද කියලා හදුන්වලා තියෙන්නෙ ඔයගොල්ලොත් නොදන්නවනම් මෙ විදියට හැදින්වුවට කමක් නෑ ඕන්...  


මෙන්න "කොලෝනියල් කසින්ස්" ගැන ඇත්තටම දැනගන්න ඒගොල්ලන්ගෙ . සංගීත වීඩියොවක්

…