94.චන්දරේ කොළඹ ආ හැටි

මෙ කතාවනම් එහෙම පිටින්ම මඩක්. අනිවාර්‍යයෙන්ම ඉදිරි දින කීපයෙදී අම්බානක කන්න වෙන විත්තියනම් පටන් ගන්න කලින්ම කියන්න ඕනෙ. කෑමෙන් බේරෙන්න නොකිය ඉන්න හිතුනට මෙ කතාටික එහෙම කොහොම නොකිය ඉන්නද. මෙක කන්තෝරු කතා ගොන්නට එකතු කරන තවත් කතාවක්. මේකතාවෙ කතා නායකයෝ එක්කෙනෙක් නෙමෙයි,සෑහෙන්න ඉන්නවා. ඒවගෙම කතාන්දරත් ඒ හාසමානව තියනවා. වෙලා තියන තියන විදියට එක එක කතාව ලියන්නම්. අනිත් කතන්දරත් එක්කම.


මේ කන්තෝරුව නාරහේන්පිට පිහිටි එකක්. කන්තෝරුවෙ ඉන්න උන්න හැමෝම වගෙ කොළඹ අය නෙමෙයි. ලොක්කත් අර හඳට පොල්ලකින් ගහලා, හඳ කඩා වැටුනට පස්සෙ යන්තම් අතගාලා, හඳ ඇඟිල්ලෙ ගෑ උනාම, ලෙව කාලා හඳ ඇබුල් රහයි කියපු ගමෙ කෙනෙක්.


ලොක්කා කොළඹ ආවට පස්සෙ එයා එයාගෙ කොම්පැනියට ලංකාවෙ හතර වටින්ම කට්ටිය ගත්තා. ඒකට හෙතුවක් තියනවා. ඒකත් පස්සෙ කියන්නම්. ඔක්කොම කතා එකක කියුවම හරි නෑනේ. ඔන්න අද කතාව චන්දරෙ කොළඹ අපු හැටි.



මේ කාලෙ ලොක්කා එයාගෙ කන්තෝරුවට කට්ටිය හොයන කාලෙ. ගමෙ යනගමන් ලොක්කා වෙහෙරහෙන පැත්තෙ යාලුවෙකුගෙ ගෙදරකට ගොඩවෙලා. මේ යාලුවා මාර්ගයෙන් ලොක්කට හම්බවෙලා තියනවා වෙහෙරහේනෙ පැත්තෙන් පොරක්. පොරගෙ නම චන්දරෙ. 

ලොක්කට කියාපුම පොරක්, නියම වැඩ්ඩෙක් බව ඉවෙන්ම තෙරුන ලොක්කා දුටු තැනම කතාකරලා.  ඒ කාලෙ හැටියට රුපියල් දෙදහස් පන්සීයක් දෙන්නත් පොරොන්දුවෙලා. ආයෙත් ඇහිල්ලක් බැලිල්ලක් නැතිවම චන්දරෙත් කැමතිවෙලා. 

ලොක්කා ගමෙ ගිහින් එන ගමන් පොරව කොළඹ එක්කරගෙන යන්න පොරොන්දු කරගෙන. දින කීපයකට පස්සෙ ලොක්කා වෙහෙර හෙනට ඇවිත් චන්දරේට කොළඹ යන්න කතාකරලා. හොඳ ගුන යහපත්කමට හැදුන එකා හන්දා අම්මා තාත්තට දනගහලා වැඳලා කොළඹ  යන්න    පිටත් වෙලා.

 චන්දරේවත් වාහනේට දාගෙන දැන් ලොක්කා කොළඹ එනව. වාහනේට නැගලා ටිකවෙලාවකින්ම චන්දරේට නින්ද ගිහිල්ලා. 

මිනිහට ඇහැරිලා තියෙන්නෙ කොළඹට කිට්ටුවදි. ඇහැරුනාට පස්සෙ ලොක්කට චන්දරේගෙ වෙනසක් දැනිලා.

 සැරින් සැරෙ ලොකු ලොකු බිල්ඩින් දැක්කම මෙ මනුස්සයා නැගිට නැගිට වඳිනවලු.  දෙහිවල ඉඳන්ම ඉඳලා තියෙන්නෙ හිටගෙන වැඳගෙන. 

ටිකදවසක් ගියාට පස්සෙ තමයි ඒකට හෙතුව දැනගත්තෙ, චන්දරේ දැකලා තිබුන ලොකුම ගොඩනැගිල්ල තමා වෙහෙරහේන පන්සල . චන්දරේගෙ හිතේ ලොකුවට තියන හැම ගොඩනැගිල්ලක්ම පන්සල් කියලා.










… …පසු සටහන : මෙ පොස්ට් එක ලියුවෙ 13වනදා. ඔබා මාමාගෙ අභාවය නිසා පොස්ට් එක ලියලත් දාන්න හිතදුන්නෙ නෑ ඒ දුක්බර පුවත ආරංචි වෙනකොට Schedule කරලා තිබුන එකක්  බිත්තර බදින හැටි පළවෙලා. කොහොමටත් ඔබාමාමගෙන් මේ කතාවලට ප්‍රතිචාර නොවැටෙන බව හැඟෙනවිටනම් දුකයි. එතුමට නිවන් සුව ප්‍රාර්තනා කරනවා!