පුලුවන්නම් කියමු බලන්න

අද මට හිතුනා පොඩි ප්‍රශ්නයක් අහන්න හැබැයි සීරියස් ප්‍රශ්නයක් නෙමෙයි. හරි උත්තරය දන්නවනම් කමෙන්ට් කරන්න. හරි උත්තරය හරියටම නැකතට පබ්ලිශ් කරනවා
…
… උදේ හවා රාජකාරියට යන්නෙ එන්නේ දුම්රියෙන් වුන මගේ කතා බොහෝමයකට වස්තු බීජ සැපයුවේ ඔය දුම්රියම තමයි. මේ අහන්න යන ප්‍රශ්නයත් ඔය උදෙ වරුවේ දුම්රියෙ යනවිට මුහුනදුන්න අත්දැකීමක් මුල්වෙලා හැදුන ප්‍රශ්නයක්. 

 අත්දැකීම මෙන්න මේකයි. උදෙ පන්දර රාජකාරි කටයුතුවලට පිටත්වයන්නෙ කවුරු කවුරුත් කරදහි ලිපේ දාලාවගේ කඩිමුඩියේ. අන්තිම තත්පරයේ තමයි දුම්රියට ගොඩවෙන්නෙත්. ඒතරමටම කාලය සාමාන්‍ය පුරවැසියන්ගේ ජීවිතත් සමග සටන් කරනව. ඔය සටනට මූන නොදුන්න දුම්රියෙන් …ගමන් බිමන් යන මධ්‍යම පාන්තික පුරවැසියෙකු සොයාගැන්ම අපහසුයි. ඉතින් මට කියලා වෙනසක් නෑනේ.
…

හැමදාම වගේ එදත් කඩි මුඩියෙ දුවවිත් …මුහුදුබඩ මාර්ගයේ කොළඹ කොටුව බලා ධාවනය වන සීග්‍රගාමී දුම්රියට ගොඩවුනේ ප්‍රමාදයකින් තොරව කන්තෝරුවට යාගන්න. වැල්ලවත්ත දුම්රිය නැවතුමේ නොනැවත්තුවත් මම බොහෝවෙලාවට මොරටුවට පසුව කෙලින්ම බම්බලපිටිය නැවතුමෙ නවත්වන දුම්රියෙන් ගමන්ගන්නෙ විනාඩි කීපයක් හෝ කලින් යාගත හැකි වන නිසා.
…
…එදා දුම් රිය වෙනදාවගේම මොරටුව නැවතුමෙ නවත්වා ඉන් පසු නොනවත්වාම ඇදෙනවා .. ලුනාව ...අඟුලාන ....රත්මලාන... ගල්කිස්ස .. දෙහිවල වැල්ලවත්ත ... ඔන්න දැන් කට්ටිය බහින්න සූදානම් වෙනවා. 

ඒත් එදා අපි කවුරුත් සූදානම් වෙලාඋන්නත් බම්බලපිටිය නැවතුමෙ නැවැත්තුවෙ නෑ. ශුවර් එකටම එන්ජින් එක පදවන රියදුරු මහතට අමතක වෙලාද කොහෙද ..... කොහොමට තියෙන්න ඇතිද කට්ටියගෙ කේන්තිය ... රතු ඉරට කලින් ... නෑ දැන් රතු ඉර නෑනේ දැන් තියෙන්නෙ ෆින්ගර් ප්‍රින්ට් එකනේ ... හොරෙන් ගහන්න කියලයෑ ..
…
…ඔන්න එක පාරටම කිලෝමීටරයක් විතර ඉස්සරහට ඇදිලා ගිය දුම් රිය ආපහු පස්සෙන් පස්සට බම්බලපිටියෙ දුම්රිය වෙදිකාව බලා ආවා. කෙන්තිය ඔලුවට ගත්තු සේරම බැන බැන දුම් රියයෙන් බැහැලා ගියෙ කොහොමද කියලා කියවන ඔබට ආයෙ අමුතුවෙන් කියන්න උවමනා නෑ කියලා හිතනවා. ඒත් ඔය වගේ අතපසුවීම් ඉඳ හිටලා වෙනවා ..
…
…සිද්දියනම් ඔන්න ඕකයි . හරි මම අහන ප්‍රශ්නය .. .. ආ තව එකක් ඔය එදා ආපු දුම්රිය රියදුරු මහතාට සුලු අමතකවීම්ක් තියනවලු. ඒක කුඩාකල සිටම පැවත එන්නක් කියලයි රියදුරු මහත්තයගේ පවුලෙ කට්ටිය කියන්නෙ.
…
… එදා දුම්‍ රිය නොනවත්වා යනවෙලේ රියදුරු මහතාට දුරකතන ඇමතුමක් ආවාලු. මෙන්න මේකයි මගේ ප්‍රශ්නය, 

ඒ දුරකතන ඇමතුම දුන්නෙ කවුද? 

ඒකෙන් කියවුනෙ කුමක්ද ?
…
…
…
…