බීප් බීප්...

  මේ සිද්දිය වුනෙ 1995 අවුරුද්දෙ එතකොට මම NIBM එකෙ ඉගෙන ගන්නව. එකාලෙ දැන් වගෙ හැමොගෙම ගෙවල් වල කොම්පියුටර නෑ . ඉගෙන ගන්න දෙවල් අත් හදා බලන්නත් ඔනෙ NIBM ලැබ් එකෙම තමයි.

එක්කෙනෙකුට දවසකට පැය 2 ගානෙ ප්‍රායෝගික වැඩ කල හැකියි. ඒ කාලෙ තිබුන කම්පියුටරුත් 486 SX, DX 66 වගෙ ඒවා. කොහොමටත් අපි වින්ඩෝස් දැකලා තිබුනෙත් නෑ අහලා තිබුනට .ඒ දවස්වල ම අපිට තිබුනෙ PASCAL ,Assembler ,  Clipper, cobol වගෙ පරිඝනක භාශා.


ඉස්සර ආසම ආස වැඩෙ තමා මාගලක් වගෙ දිගට පරිඝනක වැඩසටහන් ලියන එක,  ලියලා මුද්‍රනය කරලා ගත්තම ලොකුම වැඩසටහන තියන කෙනා තමා පොර. නැත්නම් පොරි. (ඒක coming soon කතාවක්). ඉතින් දන්න වැඩ සෙරම දාලා තමයි වැඩසටහන ලියන්නෙ. ඒකාලෙනම් කීවෙ තොරන් දානවා කියලා පොඩි වැඩසටහන උනාට වැඩ කෑලි කෝටියයි. …

සතියෙ දින 5ම දෙශනයන්ට සහභාගී වීම අනිවාර්‍යයි. දවස් 2 ක් විතර ප්‍රායෝගික කරනවා. ඇත්තටම ඔහොම කරලා මදි. ඉතින් ඒ දවස් වල NIBM එකෙ රාත්‍රී ප්‍රායොගික (NIGHT PRACTICALS) කරන්න පුලුවන්. 14 දෙනෙක් සෙට් වෙලා (Instructor) උපදෙශකක කෙනෙක් වත් සෙට් කර ගත්තම ලැබ් එක රාත්‍රියට පාවිච්චි කරන්න පුලුවන්.. ඔය කාලෙ මම තරම් රාත්‍රී ප්‍රායොගික වැඩ දාගත්ත කෙනෙක් මුලු NIBM එකේම හිටියෙ නෑ. ඒ හන්දා මට "නයිටානන්ද" කියලා කාඩ් එකකුත් ගහලා තිබුනා. ඇත්තටම මම එහෙම රෑටම ප්‍රායෝගික වැඩ දාගත්තෙ වෙන දෙයක් හන්දම නෙමෙයි පරිඝනක හිතේ හැටියට පරිහරනය කරන්න ලැබෙන නිසා. … …

කොහොම හරි ඔහොම හිටපු එක ප්‍රායෝගික දවසක මම ලියුවා ටිකක් ලොකු තොරණ් වැඩසටහනක්. දැන් වගෙ නෙමෙයි පාට පාට නිවි නිවි සෙලවෙන අකුරු දැක්මත් හරි සුන්දර අත් දැකීමක් ඒ දවස්වල කට්ටිය වටවෙලා බලනවා. මට හරි සතුටුයි. 

ඊට පස්සෙ ඕන උනෙ වැඩසටහනට හඩක් එකතු කර ගැනීම. හඩක් කියුවෙ දැන් වගෙ ස්ටීරියෝ ඩොල්බි ඩිජිටල් ඩී.ටී.ඒස් එහෙම නෙමෙයි, පරිගනකයේ තියන ස්පීකරයෙන් නිකුත් වෙන බීප් බීප් ගාන එක තමයි. ඒකෙ ටෝන් වෙනස් කරලා පොඩි පොඩි සද්ද කෑලි දානවා. ඔන්න ඔය පල්ලෙහා මට ටිකක් මතක විදියට පොඩි කෝඩිං කෑල්ලක් දැම්මා. (දැන්නම් මෙලො දානයක් මතක නෑ ) … …

begin
  sound(100); delay(200); 

  sound(130); delay(500); 
  sound(100); delay(400); 
  sound(230); delay(120); 
  sound(400); delay(400); 
  readln;
end.

හරි කතාව ඒක නෙමෙයි, ඔන්න ඊට පස්සෙ ඔන්න වැඩසටහන ක්‍රියාත්මක කෙරුවා ඔන්න දැන් පරිගනක තිරයෙ දිලිසි දිලිසි නිවෙනවා, off වෙනවා, off වෙනවා, නිවෙනවා සද්දෙත් දානවා පීප් ගානවා බීප් ගානවා බීබීප් ගානවා . 

දැන් මට මෙක නවත්වන්න ඕනෙ. මේක නවතින්නෙ නෑ .. බීප් බීප් බීබීප්. දැන් මාර සවුත්තුව මෙක නවත්වන්න බැරුව. …

…එබුවා ctrl+C ඒත් වැඩ 
එබුවා ctrl+K ඒත් වැඩ 
අන්තිමට
 එබුවා ctrl+alt+del DOS වල දැන් වගෙ ටාස්ක් බාර් එන්නෙ නෑ කෙලින්ම රීස්ටාර්ට්.

දැන් කම්පියුටර් එක රීස්ටාර්ට් වෙනවා ඒත් සද්දෙ නවතින්නෙ නෑ. මට දැන් හීන් දාඩියදාලා.

ගැලෙව්වා කෙලින්ම වයර් එක. 

මොකද හිතන්නෙ සද්දෙ නැවතුනා කියලද ? ......................................

ඒත් සද්දෙනම් නැවතුනෙ නෑ ....................

මොකද වෙලා තියෙන්නෙ ........ 

පුලුවන්නම් කියමු බලන්න ? … 

.
.
.
.
.
.
.
.
.
.
.
.
.
..
.
.
.
.
.
.
.
.

.
.
.
.
.
.
.
.
.

පසු සටහන : අපි ප්‍රායෝගික කරන්නෙ රෑටනෙ ඉතින් එළිවෙනකම් අපි ප්‍රායොගික කරනවා. එදා මට ප්‍රායෝගික කරන අතර තුර හොඳටම නින්ද ගිහිල්ලා මගෙ Casio ඔරලෝසුවෙ සද්දෙ තමා මට ඇහිලා තියෙන්නෙ මම වැඩසටහන ලියලා තියෙන්නෙ .......හීනෙන්