127. එදා සහ අද

අද මම කුණු ගොඩක් අවුස්සන්න හදන්නේ. මේක අවුරුදු ගානක් පරන කුණු ගොඩක්. කුනුගොඩක් කියුවට මේවට කුනු කියන්න මම කැමති නෑ. නමුත් මේවට කුනු නොකියත් බෑ මොකද මේවා අපි හැමෝම හැමදාම යට ගහන කුනු. මේ 80 දශකයේ අග නැත්නම් 90 දශකයේ මුල කාටුන් වගයක්.



 මේ කාටුන් ශිල්පියා විනී හෙට්ටිගොඩ. මම මෙතන විනී හෙට්ටිගොඩගේ වර්තමාන දෙශපාලනය ගැන කතාකරන්නෙ නෑ. ඒකාලේ මගේ ප්‍රියතම කාටුන් ශිල්පියා ඔහු. ඔහුට ආවෙනික අක්ශර පන්තියක් පවත්වාගෙන යෑම ඔහු මගෙ ප්‍රියතම චිත්‍ර ශිල්පියා වීමට හේතුවක්. ඔහුගේ අක්ශර අනුකරණය කරමින් යෑම එකල රැල්ලක් වූ අතර ඒ රැල්ලේ ඉහලින්ම කරනම් ගැසීමට මා සමත්විය. අද මෙන් පරිඝනක භාවිතයක් එකල නොවූ අතර කටු පෑනෙන් හා පැන්සලෙන් බොහෝ සෙල්ලම් දැමීමට මා සමත් වුයේ විනී හෙට්ටිගොඩ අක්ශර රැල්ලට මා අනුගත වූ නිසාවෙනි. ... 

ඔහුගෙ සැබෑවේ සිතුවම මා මතකයේ බැඳි චිත්‍ර ප්‍රදර්ශනයකි. එම චිත්‍ර ප්‍රදර්ශනයට අමතරව ඔහුගේ "වට මේසය" හා "හෝල්ට්" කාටූන ඉරිදා පුවත්පතට ඇඳි සිතුවම් එදත් අදත් මා සිහිකරන සිතුවම්ය. පහත කාටුන් චිත්‍ර දෙක කියවන්න. මේවා 1994 අගෝස්තු මාසේදි විනී හෙට්ටිගොඩ මහතා එලි දක්වපු "හෝල්ට්" නම් සිතුවම් පොතෙන් උපුටා ගන්නා ලද්ද්කි.

විශ්ව විද්‍යාල අර්බුදය

මේ කාටුනය එවකට විශ්ව විද්‍යාල අර්බුදය කාටුන් ශිල්පියෙකු වශයෙන් ඔහු දුටුව හැටි පෙන්වන්නක් මොකද හිතෙන්නේ එදා සහ අද අතරෙ වෙනස ගැන.  

රූපවාහිනියෙ 9වැනි සංවත්සරය

… මේ කාටූනය මගෙ හිතෙ තදින් කාවැදුන කාටූනයක්.මෙය ජාතික රූපවාහිනියෙ 9වැනි සංවත්සරය වෙනුවෙන් අදින ලද්දක්. ඒ 1990දි 

 "ඔහොම ගිහිල්ල අන්තිමෙ ප්‍රවෘත්තිත් මගදි නවත්තලා වෙළද දැන්වීමක් දමන්න බැරි නෑ " 

කොහොමද ප්‍රවෘත්ති මාකට් වුනු හැටි. 

අද සුදු වෑන් ගැන මාධ්‍ය නිදහස ගැන කතා කරන උදවිය මේ කාලයේ පැවති මාධ්‍ය නිදහස ගැන නොදන්නවනම් දන්න කෙනෙකුගෙන් අහගන්නම වටිනවා 

…

කාටුන් කලාවෙන් රූපවාහිනියට සංක්‍රමනය වෙන්න විනීහෙට්ටිගොඩ මහතා දැරූ තැත සාර්ථකද කියලා මේ හෝල්ට් වීඩියෝව බලලා ඔබම සිතන්න.