128.බලන්න බැරිවූ මීයා

පසු තැවීම බොහෝවිට අප අත් දකින දෙයක්. ඔබට පසු තැවීම ගැන අත් දැකීම් නැතැයි කියා මම නොසිතමි. එහෙයින් පසුතැවීම ගැන අත්දැකීම් දෙන්නට මම අදහස් නොකරමි. මේ කෙටි කතාව ඊයේ දුම්රිය මැදිරියක් තුල ඕපාදූප අසමින් සිටින වෙලාවක මගෙ කන වැකුනු එකකි. මෙහි සම්පූර්න අයිතිය එම ඕපාදූපය කිවූ අය සතුය.

අයෙකු මියගියපසු ඔහු හෝ ඇය වෙනුවෙන් කල හැකිව තිබූ නමුත් නොසැලකිල්ල නිසා අතපසු වූ සුලු සිද්දි නැවත නැවත සිහිකරමින් හැඩීම බොහෝ මළගෙවල් වල දකින දෙයකි. හිතින් මළගෙයකොට ගොස් බලන්න!


වයස 79ක් ආයුකාලය ගතකල සීයා කෙනෙක් පහුගිය දිනක මිය ගියේය. සීයාගේ ආච්චි යන්තම් 65 පැන්නා පමනි. දෙන්නා දෙමහල්ලො වලියක් නැතුව අවුරුදු 40කට වඩා විවාහ දිවිය ගත කලහ. 

සීයා මියගිය පසු සිරුර නිවසින් මල්ශාලාව වෙත ගෙනයන ලදි. ජීවත්ව උන්න සමයේවත් මේකප් එකක් නොදැමූ සීයාගේ මළ සිරුර උන්නාට වඩා හැඩගන්වා මිය ගිය දින රාත්‍රියේ නිවසට ගෙන ආපසු ආච්චී හඬන්නට විය. සීයාගේ මුහුන අතගාමින් අඩන්නට විය. හීනියට කෙඳිරි ගාමින් හඬන්නට විය. හිතමිතුරන් දෙනට අවසන් බුහුමන් දක්වන්නට එනවිට හීන් කෙඳිරිය ගෝසාවක් කරමින් කෑගසා හඩන්නට විය. ඥාතීන් එනවිට සීයාගේ ගුන කියමින් හඬන්නට විය.

අවුරුදු දහයක පමන වූ මුනුබුරා ආච්චී ළඟට විත් හිඳගත්පසු ආච්චී හැඬුවේ අමුතුම ආකාරයකටය. 

"අනේ පුතේ. උඹ නැති හින්දා පෙරේදා රෑත් සීයා මට මීයා බලන්න කතා කලා. මට යන්න බැරි උනානේ මීයා බලන්න ... දැන් ඉතින් කවුද මීයා පෙන්නන්නෙ .. " 

කියමින් මුනුබුරාගේ හිස බදාගනිමින් හඩන්නට වූවිට අහල පහල හිටියවුන් නම් හිනානොවී සිටියා වන්නට බැරිය.  







සීයා හැමදාම රෑට තම මුනුබුරාට වහලේ දිවයන මීයන් පෙන්වමින් මුනුබුරා නිදාගන්නාතුරු කතන්දර කියාදෙන අතර සීයා මියයන දින කීපයේ මුනුබුරා ඔවුන් සමග එහි නොසිට ඇත 

බොලාගේ කැත හිත වෙන වෙන දෙවල් හිතුවාට මට කරන්නට දෙයක් නැත

…
…
…



පසු සටහන : මීයෙකු හා සම්බන්ද ඔබ නැරබිය යුතු චිත්‍රපටියක් මගේ "ජෝන්ගේ වීඩියො සෙන්ටර්" එකේ දැම්මා බලලා නැති කට්ටිය ඉන්නවනම් බලන්න. මෙන්න ලින්කුව "හරිත සැතපුම"