පුඩිම වහලෙ උඩ .

 හැමදාම අනුන්ගෙ කතා කියන එකෙ මට හිතුනා මගෙ කතාවක් ලියන්න. මොකද දන්නවද දැන් දැන් මට මගෙ කතාවල කතානායකයො පුඩිං කවන්නයි සූදානම. ඊට කලින් මම කාපු පුඩිමක කතාවක් කියලා හිටින්නම්කො. ඒත් මට පුඩිම කන්න නම් ලැබුනෙ නෑ හෙතුව මෙ කතාව කියවලම තෙරුම් ගන්න.
… මගෙ බොහෝ කතාවල වගේ මෙ කතාවත් 80 දශකයෙ අග වසර මෙක කියවන හුඟ දෙනා ඒ කාලයෙ ඉපදිලාත් නැතිව ඇති. නැත්නම් නොදරුවො. ඒ හන්දා වර්තමානයත් එක්ක සසඳන්නෙ නැතිව කියවන්න 

   ඒ කාලෙ අපෙ ගෙදර ලිප් දෙකේ ගෑස් ලිපක් තිබුනා ඒක අපෙ ගෙදර තිබුන සුඛෝපබෝගීම ගෘහ උපකරනයක් . ඒක මැද්දෙ පොඩි පහෙ ග්‍රිල් එකකුත් තිබුනා. ඔය ලිප පාවිච්චි කරන්නෙ අපෙ අම්මා විතරමයි. අම්මා ගෙදර ඉන්න දවස්වලට අපි ඔය ලිප ලඟටවත් යන්නෙ නෑ. හැබැයි අම්මා වැඩට ගියාම මායි මල්ලිලා දෙන්නයි අර කියුව ග්‍රිල් එකට කොස් ඇට දාලා කොස් ඇට ග්‍රිල් කරලා කනවා. 
    හරි කියමු බලන්න කොස් ඇට ග්‍රිල් කරලා කාලා තියන අය ඉන්නවද කියලා ?

තව ඔය කාලෙ කරපු හුඟක් දේවල් තියනවා "පාලම යට" කතාවෙදි ඒ වගෙ එක හපන් කමක් කීවා මතක ඇතිනෙ. නැත්නම් "පාලම යට" උඩ කොටලා බලන්න 

  ඔය කාලෙම අපෙ ගෙදරට ගෙනාවා තවත් සුබෝපබෝගී ගනයට වැටෙන භාන්ඩයක් , ප්‍රෙෂර් කුකර් එකක්. ගෙනල්ලා මාස 6ක් විතර යනකන් කිසි කෙනෙක් අතවත් තිබුවෙ නෑ . ලොකුම හේතුව කවුරුවත්ම දන්නෙ නෑ ඕක පාවිච්චි කරන පිළිවල. මටයි මල්ලිලාටය් හරි කුතුහලෙ මෙක කඩලා බලන්නමයි හිත. හැමදාම සති අන්තයෙ අම්මට කරදර කරනවා මොනවා හරි රස කෑමක් හදලා දෙන්න කියලා.

මට කියන්න අමතක උනා අපිට තව පොඩ් නංගියෙකුත් උන්නා. එයැයි නම් කුස්සිය පැත්ත පලාතෙ එන්නෙ නෑ . ඒ කාලෙ එයාට අවුරුදු 3-4 විතර ඇති. අනික අපෙ කුස්සිය කලු සිමින්ති දාලා තිබුනෙ තෙතමනය හැමතිස්සෙම තිබුන හන්දා නංගී කුස්සියට අඩිය තිබ්බෙ නෑ. ඔන්න ආයෙත් කතාවෙන් පිට පැන්නා. ආයෙත් කතාවට .. 

  ඔන්න එක දවසක් අම්ම යාලුවෙකුගෙන් අහන් ඇවිත් ප්‍රෙෂර් කුකර් එකෙන් පුඩිං හදන හැටි. 
  
අපි තුන්දෙනා පැත්තකට වෙලා බලන් ඉන්නවා අම්මා අවශ්‍ය කලමනා එහෙම දාලා පුඩිම හදනවා . කොහොමහරි ප්‍රෙෂර් කුකර් එකට වතුර එහෙම දාලා රත් කරලා තිබ්බා . සූස් සූස් ගාලා දෙපාරක් තුන් පාරක් සද්දෙ එහෙම දැම්මා . කවදා කාපු ටිංකිරිද අපිත් ඔහෙ බලන් උන්නා. දැන් හදලා ඉවරයි .. කොහෙද ප්‍රෙෂර් කුකර් එක ගලවන්න බෑ තද වෙලා .. අම්මාටත් අහගන්න අමතකවෙලා ප්‍රෙෂර් කුකර් එක ගලවන විදිහ .. අම්මා ගියා ඉස්සරහට තාත්තවත් දන්නවද කියලා බලන්න . 

   ඔන්න දැන් තමයි මගෙ වාරෙ මම ලොක්කා වගෙ ගිහිල්ලා දන්න වැඩ සේරම දාලා පියන ගලවන්න උත්සහ කරනවා ............. එකපාරටම ... ඩෝං ගාල සද්දෙයක් ආපි  


  අම්මා කුස්සියට දුවගෙන එනකොට ඔය ඇඳලා තියන පින්තූරෙ විදිහට තමයි මම ඉඳලා තියෙන්නෙ . කෝ පුඩිම .... ඒක වහලෙ සිවිලිම හිල් කරගෙන වහලෙ උඩට ගිහින්