කෝ ටයි?

මේ ටික දොහෙම කට්ටිය එක එක විදිහට යට ඇඳුම් ගැන ශරීර අවයව ගැන කතාකල නිසා මටත් හිතුනා ළඟින් යන එකක් ලියන්න. හැබැයි පිටතින් අඳින ඇඳුමක් ගැන. ඔය පිරිමි පාර්ශවය අදින ටයි එක ගැන. පහුගිය දවස්වල නොලිව්වෙ අපෙ ආදර "ටයි මාම" ත් එක්ක මගෙ කතාව පැටලෙයි කියලා. ඔන්න එහෙනම් ටයි කතාව අහගන්නකො . මෙක කන්තොරු කතාවක් …

  අනූ ගනන්වල අගභාගයෙදි ලංකාවෙ ප්‍රසිද්ධ පරිඝනක ආයතනයක් තමයි මෙ සිද්දියට අදාල කන්තොරුව. මෙ ආයතනයෙ හිමිකරු දකුණෙ කෙනෙක් ඒ හන්දා මෙ ආයතනයට වැඩිහරියක් ගන්නෙ දකුණෙ අය. දකුන කියුවම මතක්වුනෙ වෙද ගෙදර මහ වෙදනාගෙ "මාතර බසේ අපූරුව" ලිපිය. බලපු නැති කට්ටිය ඔනෙනම් පැත්ත ගැන දැනගන්නත් එක්ක බැලුවට කාරි නෑ ඕං . 
    අර මම කියුව ආයතනයෙ නීති රීති ගනනාවක් තිබුනා ඉන් එකක් තමයි අනිවාර්‍යයෙන්ම ටයි පටිය පැලඳ සිටීම. නැතිනම් දඩගහනවා. සමහරු දඩ ගහන නිසාත්, සමහරු ටයි දාන්න කැමති නිසා කැමැත්තෙන්ම ටයි දැම්මා . මෙ කතාවට අදාල පුද්ගලයත් අර දෙවන කාන්ඩෙට අයිති කෙනෙක්. මෙයා මෙ ආයතනයට අලුතින් පත්වෙලා ආවෙ. හැබැයි දකුනු පලාතෙ කෙනෙක් නම් නෙමෙයි. අගනුවර සුප්‍රසිද්ද පාසලක ඉංග්‍රීසි පන්නෙට හැදුන කෙනෙක්. ඉංග්‍රීසි වන වන තමයි ඔන වෙලාවක ඉන්නෙ . 
  ඉතින් මම කියුවනෙ මෙ කන්තොරුවෙ වැඩි හරියක් ඉන්නෙ දකුණෙ අය කියලා අර කොළඹ එකාගෙ ඉංග්‍රීසි වැනිල්ලට දකුනෙ කට්ටිය ටිකක් සද්දෙ අඩු කරගෙන තමයි උන්නෙ. 
   කොළඹ පොර ගෙදර ඉඳලම ටයි එක ගැටෙ ගහලා සාක්කුවෙ දමාගෙන උල එලියට වැටෙන්න දාගෙන තමයි එන්නෙ. මොකද පාරෙ කට්ටියට පෙන්නත් එපැයි. ඔන්න මෙ සිද්දිය උනු දවසෙ පොර උදෙ ඇවිල්ලා කැරකි කැරකි ඉන්නවා ටයි එක නෑ. අනිත් කට්ටිය සෙරම ටයි දාගෙන පොර විතරක් ටයි නෑ . මෙ ආයතනයෙ හැමදාම උදෙට රැස්වීමක් තියනව. ඔන්න බොස් ආවා. ටයි නැතිව කැපීපෙන හාදයා ළඟට ගියා ඇහුවා "කෝ තමුසෙගෙ ටයි එක?" කියලා " Wait, sir I'll wear it " කියලා ලාච්චුවෙන් ගැටෙ දමපු නැති ටයි එකක් අරගෙන බෙල්ල වටේට ඔතලා ගැට දෙක තුනක් දමලා තද කරගත්තා . දැන් අමුතුම මොඩලයෙ ටයි එකක්. අනිත් කට්ටියත් මුකුත් නොකියා පොර දිහා බලන් ඉන්නවා. බොසුත් කට කොනකින් හිනාවෙලා රැස්වීම අවසන් කලා. ර්‍අස්වීම අවසන් වෙනවත් එක්කම කොළඹ පොර දකුනෙ පොරක් ළඟට ලංවෙලා කියුවලු "අය්යෙ මෙ ගැටෙ ටිකක් ගලවනවද මගෙ උගුර හිරවෙලා" කියලා . කොහොම හරි ටයි ගැටෙ ලෙහාගන්න බැරුව කපලා තමයි ටයි එක ගලවලා තියෙන්නෙ. එතකොට තමයි කට්ටියම දන්නෙ කොළඹ පොරට ටයි ගැටෙ දාන්න බෑ කියලා .