සංගීතය සහ කොස් ඇට

සංගීතය රස විඳින්නට අකමැතිවූවෝ කවුරුන්ද? ඉබේ ඇහෙන සංගීතයත් විහින් අහන සංගීතයත් රසවිඳින්නට අප පුරුදුවී සිටින්නෙමු. මා අද කියන්නට යන කතාව මොනයම්ම ක්‍රමයකින් ඔබ අසා නැතුවා වෙන්නට බැරිය. සමහර විටක ඔබද මේ අත්දැකීම විඳ නොඇත්තාවන්නට බැරිය. මේ කතාව විහිලු කතාවක් වුවත් මා ලියුවෙ සත්‍ය සිදුවීමක් ඇසුරෙන්
.


…පහුහිය දවසක මම ගියා මගෙ යාලුවෙකුගෙ ගෙදර එහාට තම මගෙ මිත්‍රයො දෙන්නෙකුත් ඇවිත් උන්නා. එතන එකෙක් හිටියා රසික කියලා. මිනිහා නමෙ හැටියටම හොඳ ගීත රසිකයෙක් ඇහෙන්නෙ මොනවද අහනවා. බස්‍ රථවල ඇසෙන කන්කරච්ච්ල බෙලෙක් තලන සංගීතය රසවිදින්නටනම් මම කැමති නැත. ඒත් මෙ රසිකටනම් එහෙම නැත. ඒවාටද කැමතිය. උගෙ ගෙදරත් රෙකෝඩ් බාර් එකක් වගෙය. අපි උගෙ ගෙදර යන්නට අකමැතිය. හෙතුව උගෙ අම්මාගෙ කන්කරච්ච්ලය අසන්නට බැරි නිසාමය. හම්බකරන මුලු පඩියම අලුත් අලුත් ගැජමැටික් වලටම යටකරන හෙතම ගෙදරට, මම හිතන්නෙ සතපහක්වත් දෙන්නේ නැත. ඒවා ගැන අපි කතාකරන්න යනවිට ඌ කියන්නෙ මගෙ සල්ලි මට ඕන විදිහට වියදම් කරාම උබලට තියන අමාරුව මොකක්ද කියාය.


අදත් කතාවෙන් පිට යන්නවගෙ හදන බව මටම හිතුන නිසා මෙතන ඉදන් වත් කතාව කියන්නම්. අද කතාව රසිකට උන දෙයක්. රසික හරිම බඩජහරියා අහුවෙන හැම මලදානෙම කනවා. 

දවසක් මිනිහා එයාගෙ ප්‍රියම්භිකාවගෙ ගෙදර ගිහින්. ප්‍රියම්භිකාවට මල්ලියෙක් ඉන්නවා. කොහොමටත් කට්ටිය පොඩි මස්සිනාවනෙ මුලින්ම යාලු කරගන්නනෙ බලන්නෙ. රසිකත් ඉතින් සම්ප්‍රදාය කඩනොකර පොඩි මස්සිනාව යාලු කරගන්න පොඩි ට්‍රික් එකක් දැම්මලු.  

ප්‍රියම්භිකාවගෙ ගේ ඉස්සරහ ලොකු වැල ගහක් තියනව. වැල පිරිලා. කොස් ඇට බිම හැමතැනම. මූ මල්ලිට කියුවලු අපි කොස් ඇට පුච්ච්මු කියලා. පොඩි උන් කොහොමත් ඔයවගෙ දෙවල් වලට කැමතියිනෙ. ඒ පොඩි එකත් එකපයින් කැමති උනාලු වැඩෙට. දර ටිකක් එකතු කරලා ගිනි ගොඩක් ගහලා වටෙ වැටිලා තිබුන කොස් ඇට ටික එකතු කරලා ඒකට දාලා. පුච්ච්ලා අරගෙන කාලා. මම හිතන්නෙ මූට දවල්ට බත් දීලා නෑ මූ කොස් ඇටම කාලා.


දැන් පොර ගෙදර එන ගමන්. රසික කියන්නෙ සාමාන්‍ය මධ්‍යම පාන්තිකයෙක් ඒ කියන්නෙ බස් එකේ යන්නෙ එන්නෙ. රසික හිටගෙන බස් එකේ එල්ලිලා ඉන්නවලු. මේ අස්සෙ මුගෙ බඩ සෙල්ලං දානවලු ඇයි පුදුම කොස් ඇට කෑමක්නෙ කෑවේ. බස් එකේ සෙනගත් තරමක් පිරිලා ඒ කියන්නෙ ආසන සියල්ල සම්පූර්නයි. අතරින් පතර එක් කෙනෙක් දෙන්නෙක් හිටහෙන ඉන්නවා, රසිකත් ඇතුලුව. මෙන්න දැන් රසිකගෙ බඩ වාතය පහකරන්න හොයනවා. පැලෙන්න ඇහෙන සංගීත රසය නිසා රසිකත් එන වාතය කාටත් නොදැනෙන්න සැහැල්ලුවෙන්ම පිටවෙන්න දුන්නා. දෙතුන් වතාවක් බඩට ඇවැසි පරිදි වාතය පිටකරන්න ඉඩ දුන්නු රසික බහින තැනටත් ලං උනා. පොර බහින්න පස්සට එනකොට කට්ටිය පොරගෙ මූන බලනවලු සමහරු කටවහගෙන හිනාවෙනවලු. … …


මල කෙලියයි සංගීතය ඇහිලා තියෙන්නෙ උගෙ ipod එකෙන්. පිටකරපු වාතයෙ සද්දෙ ඇහිලා නැත්තෙ ඌට විතරයි.