130.පස්සේ මයිල්

ඔන්න පටන් ගන්නකොටම කියුවා මේක මඩක්. හැමදාම ඇහෙන්නේ ගාල්ල මාතර පැත්තෙ අයගේ මඩ කතානේ.ගාල්ල මාතර යාලුවන්ගෙන් එහෙම නැත්නම් කතා නායකයන්ගෙන් ටික ටික බැනුම් අහන එකත් ඔය අතරෙම සිද්ද වෙනවා. මොනවා කරන්නද ඉතින් මට අහන්න ලැබෙන්නෙම ඒ පැත්තෙ අයගෙ කතා හන්දා වෙන පලාත්වල කතාවලට වඩා දකුනු පලාතට සම්බන්ද කතා පෙට්ටගමට එකතු වෙනවා. අද කතාවත් මාතර අහංගම පැත්තෙ යාලුවෙකුට උන කතාවක්.
…
මෙ යාලුවගේ නම සම්පත්. යාලුවො හැමෝම කියන්නෙ නම කෙටි කරලා සම්පා කියලා. සම්පා හොද දෙකේ හතරේ පොරක් සම්පගේ හැඩ රුව කොහොමද කියනවනම් හොඳ වලස් නාම්බෙක් අනිත් පැත්ත හැරිලා හිටගෙන ඉන්නවා කියලා හිතාගන්නකො. හරියටම කියනවනම් ගෝරිල්ලෙක් කියුවත් වැරදි නැ.


ගෝරිල්ලෙක් වගේ ඇඟ තිබුනට මිනිහා ලැජ්ජා කාරයා. කාන්තා පාර්ශවය ඉන්න තැන්වල වැඩිපුර ගැවසෙන්නෙත් නැ. කසාද බැඳලත් නෑ. බැඳලා නැති උනාට බදින්න කැමැත්තකුත් තියනවා . අර ආසයි බයයි කියලා කියන්නේ.

සම්පත් අපේ සිරා වගෙම මාතර ගමේ යන්නෙ සති අන්තෙ විතරයි. සති අන්තෙදි යාලුවො ටික සෙට් වෙලා උන්න වෙලාවක තමයි මේ කියන්න යන කතාව දිග ඇරිලා තියෙන්නේ. 

කොහොමින් කොහොම හරි මෙ සම්පට ආමාශය සම්බන්ද ලෙඩක් හැදුනා. හැදුනෙත් මේ මනුස්සයා රැකියාව කරන අතරෙදි. ඔය කාපු මොනවාහරි ඇඟට අල්ලලා නෑ දැන් අර සොරොව්ව කඩා දාලා වගේ පිටාර ගලනවා කොටින්ම කියුවනම් සංගීත සංදර්ශනයක අන්තිම ටික යනවා වගේ, නන්ස්ටොප් .

 ඉතින් බෙහෙත් ගන්න සම්පා වැඩ කරන කන්තෝරුවෙන්ම තමයි එක්කරන් ගිහිල්ලා තියෙන්නේ. නර්සිං හෝම් එකේදිත් කාපුවා පිටකරන්න හතර පස් වතාවක්ම වැසිකිලි ගතවෙලා තියනවා. දොස්තරත් රෝග ලක්ශන එහෙම බලලා බෙහෙත් ලියලා දීලා ඒ වෙලේම බොන්න කියලා පෙත්තකුත් දීලා පැයක් විතර නවතින්නත් කියලා අඩු උනේ නැත්නම් ගන්න කියලා ඉන්ජක්ශන් එකකුත් ලියලා දීලා. නවතින්න කියපු පැය ඇතුලතදිත් දෙවතාවක් වැසිකිලි ගතවෙන්න සම්පට සිද්දවෙලා. අනේ ඉතින් ඒකියන්නෙ ඉන්ජක්ශන් එක ගහගන්න වෙන එක නේද කියලා සම්පට හිතිලා. මෙයාව බලාගන්න ඉඳලා තියෙන්නේ 30+ හෙදියන් දෙදෙනෙක්. සම්පාගේ සමවයසේ අය හන්දා අර කලින් කියුව ලජ්ජාව ටිකක් ඉස්මතුවෙලා. 

පොර දැන් හොඳටම දන්නවා තමාට ඉන්ජක්ශන් එකක් ගහගන්න වෙන වග ඉතින්,

"මේ... මේ මිස් ඉන්ජක්ශන් එක කොහාටද ගහන්නේ ? " 

"කොහාටද ඉතින් පස්සට මිසක් " 
ඒ නර්ස් නෝනාගේ වදන් .

 අයියෝ දැන් මේ මනුස්සයට තවත් ප්‍රශ්නයක්. කන්තෝරුවන් ආපු අනිත් සගයට කනට කරලා රහසින් මොනවදෝ කියලා අත මිට මොලවලා මොනවදෝ දුන්නාලු. කන්තෝරු සගයත් හිමිහිට නැගිටලා රෝහල් කාමරයෙන් පිටවෙලා ගිහින් විනාඩි කීපයක් ඇතුලත ආපහු ඇවිත් තියෙන්නේ පොඩි කරදහි බෑගයකට මොනවදෝ ඔතාගනිමින්. සම්පා ගෙනාපු කරදහි බෑගයත් රැගෙන ආපහු සැරයක් දිවුවලු වැසිකිලියට. ටිකවෙලාවකින් සම්පා එනවලු හීන් සතුටු හිනාවක් මූනෙ පුරෝගෙන. නර්ස් නෝනල දෙන්නටත් ඉතින් බාර දීපු කටයුත්ත කරන්න එපැයි බොන්න දීපු බෙහෙත වැඩ නොකල නිසා අනිත් බෙහෙත උන ඉන්ජක්ශන් එක ගහන්න නර්ස් නෝනා සම්පට කලිසම පාත් කරගෙන ඇඳේ හාන්සිවෙන්න කියලා . ලැජාවෙන් ඇඹරි ඇඹරි සම්පා කලිසම පාත් කරනකොට නර්ස් නෝනලා දෙන්නට විතරක් නෙමේයි කන්තෝරුවෙන් ගිය සගයටත් හිනාලු ...
.
.
.
.

…මුලු පස්සම වැහෙන්න ගෝරිල්ලා වගේ තිබුන මයිල් ගස් සෙරම එකක්වත් නැතිවෙන්න බාලා. ඒ විතරක්නම් මැදෑ තව "නිවියා" ක්‍රීම් තලියකුත් ගාලා (මම  හිතන්නෙ ගඳ යන්න වෙන්ටැ )

 කන්තෝරු සගයට කියලා කරදහි බෑග් එකට ගෙන්නව ගෙන තියෙන්න නිවියා ක්‍රීම් එකයි රේසර් එකයි. 

සම්පාගේ  ලෙඩේ හොඳ කරගත් ආකාරය ඉදිරි ලිපියකින් කියවන්න