131.කැබ් රියදුරා

ත්‍රීරෝද රථ වල කලදසාව වෙනස් කලේ මීටර් කියුවොත් මා කියුවෙ බොරුවක් යැයි කිසිවෙකු නොපවසනු ඇත. සමහර වේලි වෙලී හුන් ත්‍රීරෝද රථවලට දැන් ගජරාමෙට වැඩ ඇත.

 මීටරෙ ඇති ත්‍රීරෝද රියක නගින්නට බොහෝ අය අකමැති නොවෙති. හේතුව පෙරමෙන් හිතු හිතු අයකිරීම් කරන්නට මීටරය ඉඩ නොදෙන නිසාවෙනි. මීටර නැති ත්‍රීරෝද රියකට නැගිවිටක බහින විට අයකරන මුදල පිලිබඳව ගමන යන්නා යන්නෙ දෙගිඩියාවෙනි. සමහර විටක රථයට ගොඩවදිනවිට කතාකරගත් මුදලට වඩා ත්‍රීරෝදරථ රියදුරන් ඉල්ලන්නේ අතන මෙච්චර වෙලාවක් නවත්තගෙන උන්නා , අතනට ගියා මෙතනට ගියා ... යනුවෙන් මැසිවිලි නගමිනි.


ත්‍රීරෝදරථකරුගේ පැත්තෙන් එහි වරදක් කීමටද නොහැකිය. අද කොළඹ නගරයේ මීටර සීයක පෙනෙන දුරක් වාහනයකින් යන්නට කිලෝමීටර 2ක් පමන වාහනය ධාවනය කිරීමට සිදුවේ.
"මේ පේන දුරට එච්චර දෙන්න බෑ"
එවැනි අවස්තාවල අපේ ත්‍රීරෝදරථ රියදුරන්ට තම සේවාදායකයන්ගෙන් අසන්නට ලැබේ. ගමනේ වටිනාකම සලකා බැලුවොත් එහි අසාධාරණයක්ද නැත. එහෙත් ඒ වෙන ඉන්ධන නාස්තිය බොහෝවිට දරාගන්නට සිදුවන්නේ ත්‍රීරෝද රථ රියදුරන්හටය.
…
…මීටරේට පින් සිදුවන්නට අද බොහෝ ත්‍රීරෝද නැවතුම්පලහි වාරය (Turn) එකට මරාගන්නා අය අඩුය. ගමේ වැල ගමෙ කපුටන්ට තියරියද අඩුය. පාරේ යන ඕනෑම ත්‍රීරෝදරියකට අත දමා යාමට හැකිය. මා මේ කීවේ පෙර මරා ගැනීම් හා සසඳාය.
…
…මීටර නිසා ත්‍රීරෝදරිය වෙත ඇදුන සේවාදායකයන් ඉන් ඉවතට ගෙන තමාවෙත ඇදගන්නටද කෙනෙකු පැමින ඇත. ඒ ටාටා කොම්පැනියෙන් ගෙන්වූ නැනෝය. ටාටා නැනෝ ටැක්සියක AC දමාගෙන ත්‍රීරෝදරියේ මිලටම යාමට දැන් සාමන්‍ය ජනතාවටද හැකිය. 

දවල් දවසේ ගෙදරටවී ඉන්නා ගෘහනියො තම හිතවතුන් නෑදෑයින් හමුවීමට පොළට යාමට බොහෝවිට අද පාවිච්චි කරන්නෙ ත්‍රීරෝදරථ නොව නැනො ටැක්සිය. ත්‍රීරෝදරියට වඩා ප්‍රෞඩත්වයක් නැනො තුලින් දකින්නට බොහෝ ගෘහනියො සමත්ව සිටීම නැනෝ ප්‍රච්ලිතවීමට එක් හෙතුවක් බව තතු දත්තො පවසා ඇත. 

ඇත්තම කියනවානම් මා අද ලියන්නට සිතා සිටියේ නැනෝ ගැනවත් ත්‍රීරෝදරථ ගැනවත් නොවේ. ඒත් මේ පඳුර තලන්නට සිදුවූයෙ නිකමටය. 
ඔන්න අර කලින් කියුවා වගේ ප්‍රෞඩත්වයට ගමන් යන්න කැමති එක් ගෘහනියක් …එයාට එයාගෙ මහත්තයා, ගෙදර ඉන්නවෙලාවට හතරවටේට කතාකරන්නයි පාලුවේ ඉන්නවෙලාවට කන්තොරුවට කතාකරලා එයාට කරදර කරන්නයි අරන්දීලා තිබුන ජංගම දුරකතනයෙන් නැනෝ කැබ් ටැක්සි සර්විස් එකකට කතාකලා. ඒ කතා කලේ හවස්වරුවේ ශොපිං යන්න ගෙදරටම වාහනයක් ගෙන්වා ගන්න. අදාල ආයතනයට තම ලිපිනයත් යන්න ඕන තැනත් කියලා හරියට 4ට තමන්ගෙ ගෙදර දොරකඩට පැමිනෙන ලෙස දන්වුවා. ඔන්න එදා හරියට 4ට විනාඩි පහක් තියලා අදාල කැබ් ආයතනයේ වාහනයක් තමන්ගෙ ගෙදර දොරකඩට පැමිනියා. ඔන්න මේ කාන්තාවත් හොඳට කැපීපේන්න හැඩ වැඩවෙලා කැබ් රථයේ පිටුපස ආසනයෙන් වාඩිවුනේ ශොපිං යන්න. 

කැබ් රියදුරා කිසිම සද්දක් බද්දක් නැතිව ගමන යනවා. ඔහු ටිකක් මැදිවියෙ කෙනෙක්. ඔහු දැන් දිගටම ගමන යනවා. මෙන්න ඇය යන්න උවමනා තැන පහුකරගෙන ඔහු යනවා. ඇය ඒ බව ඔහුට කියුවා. එය ඔහුට එය නෑසුනාසේ තවත් ඉදිරියට යනවා. කනේ කන්යොමුවක් ගසාගෙන උන්න බව දැකීමෙන් ඇය තෙරුම් ගත්තෙ ඔහු ශ්‍රවනාබාදිතයෙකු බවයි. 

 කැබ් රියදුරාගේ පිටට තට්ටු කර ඔහුට කතාකරන්නට තැත් කරනවාත් සමගම, 
ඇය දෙස බැලූ කැබ් රියදුරා මරහඩ දීගෙන යටිගිරියෙන් කෑගසමින් එහාට මෙහාට සුක්කානම කරකවා අසල තිබූ දුරකතන කනුවක් මත කැබ් රථය වද්දන ලදි...........

…කැබ් රියදුරාටද ඇයටද සිහිනැති වූ අතර අසලට රැස්වූ පිරිස මොවුන් දෙදෙනාවම රෝහල් ගතකරනු ලැබීය. රෝහලේදී මොවුන් දෙදෙනාගෙන්ම පොලීසිය පැමින කට උත්තර ගන්නා ලදි

 "අනේ මන්දා මේ මනුස්සයට මම කතාකරලා යන්න ඕන තන පහු උනා කියුවා විතරයි මේ මනුස්සයා යටිගිරියෙන් කෑගහලා වාහනෙ හැප්පුවා. මට මතක එච්චර යි." ඒ ඇගේ කට උත්තරය.

 "අනේ රාලහාමි මම කැබ් ඩයිවර් කෙනෙක් නෙමෙයි. මම මේ කැබ් සර්විස් එක අල්ලපු මල් ශාලාවෙ හර්ස් ඩයිවර්. 
අවුරුදු 20ක් තිස්සෙ එලවන්නෙ හර්ස්. 
කැබ් සර්විස් එකට හයර් එකක් ඇවිත් යන්න කවුරුත් නෑ කියල මට යන්න පුලුවන්ද කියලා ඇහුවා. 
මෙච්චර කාලෙකට මගෙ වාහනෙ පිටිපස්සෙ ගියකෙනෙක් මට කතාකරලා නෑ "
…
…