දුම්රියෙ බූරු ඇදන් හැකිලීම.

මේකත් පරන කතාවක් අවුරුදු ගානක් පරන කතවක්. මට මතක හැටියට 1993 විතර ඇති. මේ කතාවෙ කතා නායිකාව අඳුනන කෙනෙක් නෙමෙයි. ඒත් හැමදාම මුන ගැහුනු කෙනෙක්. එහෙනම් මෙ කතාවත් කියවලම බලන්නකෝ. … අපි පාසැලෙ ක්‍රීඩා පුහුනුවීම් අවසන් කරලා හවසට මරදානෙ දුම්රිය  ස්ථානයට එන්නෙ 4.55ට පිටත් වෙන අලුත්ගම දුම්රියෙන් ගෙදර යන්න බලාගෙන. ඕක මරදානෙන් පිටත් වෙනකොට බොහොමයක් ආසන පිරිලා . මෙක (Powerset) වර්ගයේ දුම් රියක්. දෙපැත්තට තමයි ආසන තියෙන්නෙ. අර තැබිලි පාට සීට් මතකනෙ.

මතක නැත්නම් බලන්න. මෙන්න මෙ විදියට තමයි සීට් තිබුනෙ. මරදානෙන් කට්ටිය නැග්ගම
අතරින් පතර තමයි හිස් තැන් තියෙන්නෙ. … කොළඹ කොටුවෙන් නගින ඇන්ටි කෙනෙක් හිටියා, කොටුවෙ දුම්රිය වේදිකාවට නවත්වන්නත් කලින් ඔය ඇන්ටි ඉන්න මිනිස්සුන්වත් පෙරලගෙන තමයි දුම්රියට ගොඩවෙන්නෙ. නැග්ග ගමන් කරන්නෙ කකුල් ඈත් කරන් ඉන්න
අයගෙ දිග ඇරගෙන ඉන්න බූරු ඇදන් ටික අකුලලා ඉඩ හදාගෙන වාඩි වෙනවා. කොරලවැල්ලෙ ඇන්ටිකෙනෙක් හන්දා කවුරුත් මුකුත් කියන්නෙ නෑ. කටත් එච්චරම සද්ද නෑ ඔනෙම නම් දුම්රිය මැදිරි දෙක තුනකට ට ඇහෙයි. අපිත් එක්කත් ඉතින් මලෙන් උන්නෙ එක එක බයිට් කරලා. මොකද අපි ඉතින් ෆුට් බෝඩ් එකෙනෙ යන්නෙත් අපිවත් පෙරලගෙන තමයි ඇන්ටි නගින්නෙ. ඔන්න එදත් මරදානෙන් පිටත්වුනු දුම්‍ රිය 5.00 වෙනකොට කොළඹ කොටුවට ආවා. අර ඇන්ටි වෙනදා වගෙම අපිවත් පෙරලගෙන දුම්රියට නැගලා බුරු ඇදන් අකුලන්න ගත්තා කොහොම හරි තදියමට එදා වඩිඋනෙ එක අංකල් කෙනෙකුගෙ කකුල් දෙක දෙපැත්තට දාලා කකුල් දෙක මැද්දෙ. අපිට එක පාරටම ජාතික ගීය කියවුනා. මුලු දුම්රියම බඩ අල්ලගෙන හිනාවෙනවා. ඇන්ටිට පොලව පලාගෙන යන්න හිතෙන්නෙ ඇති. නැගිටලා නැග්ගට වඩා වෙගයෙන් බැස්සා . එදයින් පස්සෙ ඒ ඇන්ටිව අද වෙනතුරු මම දුම්රියෙදි නම් දැක්කෙ නෑ . …