බොස් ආවේ ඇයි?

මේ සිද්දිය වෙලා තියෙන්නෙ මගෙ යාලුවෙකුගෙ කන්තොරුවේ. මිනිහ මට කතන්දරය කියලා කියුවා කන්තොරුවෙ නම නම් කියන්න එපා කියලා මොකද මේ කන්තොරුව තරමක් ප්‍රසිද්ධ තැනක්. මෙතන බොස් ටිකක් අමුතු චරිතයක්. ඒ කියන්නෙ තාම කයිසාරුවත්තෙ මුහන්දිරම් ගෙ යුගයෙ ජීවත්වෙන කෙනෙක්. ඇත්තම් කියනවනම් ඒ පැත්තෙම කෙනෙක් තමයි.
   මොනවා උනත් උදේ පාන්දරම රාජකාරියට එනවලු. මෙ ඔෆිස් එක තියෙන්නෙ ලෝකෙ වෙළෙද මධ්‍යස්ථානයෙ ටිකක් උඩ තට්ටුවක,

 උදේම එනකොට ෆැබ් එකෙන් පැටිස් 2ක් අරගෙන තමයි මෑන් එන්නෙ උදෙට ඒක කාලා උනු උනු කෝපි එකක් බොන එක තමයි උදෑසන ආහාරය. කට්ටිය කියන්නෙ නම් බඩ ගල් කරනවා කියලා. අනෙ මන්දන්නෙ නෑ ඕවා.  
   දවල්ට කන්න නම් අනිවාර්යයෙන්ම ගෙදර යනවා . මොකද බොස්ගෙ නෝනා බලන් ඉන්නවලු ගෙදර එනකන්.
මේ සිද්දිය වෙලා තියෙන දවසෙ බොස්ට ටිකක් වැඩ වැඩි දවසක්. සෙකට්‍රි නෝනා එහෙට දුවනවා මෙහෙට දුවනවා. ෆුල් බිසී. ඊටපස්සෙ ෆයිල් වගයකුයි ලැප්ටොප් එකයි අරගෙන බොස් එලියට ගිහින්. ගිහිල්ල තියෙන්නෙ මොරටුවට. ඒ වැඩ ඉවර කරගෙන හරියට 12 වෙනකොට කන්තොරුවට ඇවිත්. බොස්ගෙ කාමරයට ආපු ගමන් අනිත් පැත්තට ආපහු ගිහිල්ලා . මගෙ යාලුවට හරිම ප්‍රහෙලිකාවක්ලු මෙක. මොකද මොරටුවට ගිය මිනිහා ගෙදර යන්නෙ නැතිව තකහනියෙ ආවෙ කියලා .  

මගෙ යාලුවා සෙකට්‍රි නෝනට ලංවෙලා අහලා ඇයි කියලා    

ඇයි දන්නවද බොස් ආපහු ඇවිල්ල තියෙන්නෙ ..................
..................
..................
..................
 අර පැටිස් දෙක ගෙනියන්න. උදෙ වැඩ වැඩි හින්දා ඒක කන්න බැරිවෙලා.