කහ ඉර

අපෙ සුබසිංහ මහත්තයා ඊයෙ වැඩට ආවෙ නෑ අපි හිතුවෙ අසනීප වෙලා කියලා . ඇත්තටම වෙලා තියෙන්නෙ සුබසිංහ මහත්තයව උසාවි දාලා. වැරැද්ද කහඉරකින් තොරව පාර මාරුවීම . 
 අනෙ කාටවත්  කරදරයක් නැතිව පාරෙ අයිනෙන්මයි යන්නෙ ඔය වට පිට කවුරුහරි යනවනම් විතරක් ටිකක් ඇස් යටින් බලනවා බම්බලපිටිය හන්දියෙදිලු පොලීසියෙන් අල්ලලා තියෙන්නෙ.  
  ඊයෙ උදෙ 9 ට උසාවියට ගිය උන්දැ හවස 3 ටලු  එලියට ආවෙ  ඒ මදිවට රුපියල් 100ක් දඩත් ගහලා
. ........ඒ කියුවෙ අමතර කතාවක් ....

  අපි නොසිතනවට බොහෝවිට මාර්ග තදබදයට පදිකයන්ගෙ නොසැලකිලිමත් හැසිරීම මූලික වෙනවා. ඇත්තටම අපෙ රටෙ පාරවල් හදනවා දෙපැත්තෙ වැටවල් ගහනවා පදිකවේදිකා හදනවා. (කඩේ යනවා කියලා හිතන්න එපා ) ඒත්  කීයෙන් කීදෙනාද ඕවා පාවිච්චි කරන්නෙ. පාර හරහා මිනිස්සු යන්නෙ හරියට ගාල කඩාගත්තු හරක් වගේ. දුම් රියෙන් බැහැලා යන මගීන් පාර හරහා දුවන්නෙ මීලග බස් එක අල්ලගන්න කලබලෙ තමයි . ඒත් ඒ කලබලයෙන්, පාරෙ යන වාහන වලට කොච්චර අපහසුතාවලට මුහුනදෙන්න සිදුවෙනවද. උදේ වරුවට සවස්වරුවට  සුක්කනම අතේ තියන පුද්ගලයෙකුගෙ මානසික තත්වය, මං හිතන්නෙ ඔයගොල්ලන්ට අමුතුවෙන් විස්තර කරන්න අවශ්‍ය නැහැනෙ. 


කහ ඉරි කියන්නෙ පදිකයන්ට අයිති බූදලයක් කියලා තමයි හුගක් අය හිතන්නෙ. ෆෝන් එක කනෙ ගහගෙන ලතැවි ලතැවි කහ ඉරි උඩින් යන කීදෙනක් අපි දවසකට දකිනවද. එතකොට ඒ අය හිතන්නෙ කහ ඉර රියදුරන් ඉඩ දියයුතුම තැනක් කියලා. හැබැයි ඔය කහඉරෙ  ඔය විදියට යන කීදෙනෙක් සුක්කනම අතට ගත්තම පදිකයන්ට බනිනවද?    


ලංකාවෙ බොහොමයක් පාරවල් වල කහ ඉරි නෑනෙ වගකිව යුත්තන්ගෙ ඇස් අවශ්‍ය ස්ථානවල කහ ඉරි අඳින එක ගැනත් යොමු විය යුතුයි. අවශ්‍ය ස්ථාන කියුවෙ කිලො මීටරෙන් කිලොමීටරෙට නෙමෙයි.  


දැන් ග්‍රීස් යක්කු ඉවරයි ඡන්ද ඉවරයි පොලීසියට වැඩ නැති හින්දා හරි කහ ඉරෙන් නොපනින අය අල්ලන එක හොඳා. මගෙ අර අනීතික වෘත්තිය වගේ කරන්නත් බෑනෙ. කෙලින්ම උසාවි. දඩය රු100 ඒ උනට රස්තියාදුව උදෙ 9 සිට හවස 3 වෙනකන් උසාවියෙ හිටගෙන සිටීම.