ටිකට් ගත් හැටි

හැමදාම කන්තොරු කතා කියලා ළගදිම මට ගෙදර ඉන්න වෙයි වගෙ ඒ උනාට රස කතා තියෙන්නත් ඕන නිසා මට හිතුනා පාසැල් සමයෙ රස කතා ටිකක් ඉදිරිපත් කරන්න . මගෙ පාසැල් සමයෙ රසකතා සමහර විට දැන් කාලෙට ගැලපෙනවද දන්නෙත් නෑ . මුලින්ම කියන්නම් මේ කතාවලට පාදක වුනෙ  1990-1994 කාලය. (අනෙ මන්ද මෙකෙන් මගෙ නියම වයස දැනගන්නවා).  
අපෙ සෙට් එකෙ වැඩිපුරම හිටියෙ ආනන්දෙ නාලන්දෙ කට්ටිය. උදෙට පානදුරයෙන් 6.10 කෝච්චියෙන් මරදාන බලා පිටත් වෙනවා එගොඩ උයන කොරලවැල්ල මොරටුව වෙනකොට මරදානට යන සෙට් එකම එකතුවෙලා ඉවරයි.

 මෙ අතරෙ උන්නා මොරටුවෙ ඉස්කොලෙකට යන   පොරක්. අපි එයාට සුරංග කියමු.  මිනිහා පානදුරෙන් නැගලා මරදානටම යනවා හුගක් ගෑනු ළමයි එහෙම හිතන්නෙ සුරංග ආනන්දෙ කියලා . (ආ.. ඒ දවස්වල කමිසෙ දැන් වගෙ ඉස්කොලෙ ලෝගො එක ගහන්නෙ නෑ.)  ඔක්කොම පිරිම් ළමයි එකම යුනිෆොම් එක . එහින්දා සුරංගගෙ පාසල ආනන්දෙ කියලා තමයි හුගක් අය හිතන් හිටියෙ .
  මිනිහට ඔය අධ්‍යාපනය ගැන උවමනාවක් තිබුනෙ නෑ.  8 විතර වෙනකොට මරදානෙ ධවලගිරියට ගොඩ වැදිලා තෝසෙ සප්පායමක් දාලා 9.45 විතර වෙනකොට "ඔලිම්පියා" එක පැත්තට කිට්ටු කරනවා.නැතිනම්  රූබි එකට රිංගනවා. 1 වෙනකොට ආපහු ස්ටෙෂන් එකට එනවා "මුතුකුමාරි" යට නගින්න  ඕකතමයි මිනිහගෙ දින චරියාව
ඔය ඔලිම්පියා එකට එන ෆිල්ම් සාමන්‍යයෙන් ඇඩල්ට්ස් ඔන්ලි එව්වනෙ.  
  ඔන්න මේ සිද්දියවුනු දවසෙ සුරංග ෆිල්ම් එක බලලා ,ටිකක් වෙන්න මෝල් කලන්තෙ වැඩිවෙලා. මිනිහා මනො පාරෙන්ම ස්ටෙෂන් එකට ඇවිදගෙන ඇවිත් තියෙන්නෙ
........
ස්ටෙෂන් එකට ඇවිල්ලා ටිකට් කවුන්ටරෙ අංකල්ට කියුවලු "අංකල් ODC එකක් දෙන්න " කියලා . .